Original: Bryan Adams - Summer Of '69
Pfälzer Text: Sebastian Deuber & Bernd Fabian
Ich steh do uff'm Weifeschd
Um mich rum dreht sich die Welt
Halt mich feschd an ännre Hauswand
Was e Glick dass die mich hält
Ich kann werklich viel saufe
Hab jo lang un hart trainiert
Doch heit, do kann ich's kaum glauwe
Un ich bin ach echt frustriert
Hab jo schließlich ach mein Stolz
Un will ach kä Weichei sei
Doch zwanzich sinn en Haufe Holz
Vielleicht loss ich es doch bal guud sei
Weil so langsam seh ich's ei
Ich sach eich, des erschde Dutzend
Laaft grad so wie Wasser nei
Hinnenooch die negschde achte
Scheißegal, was wird schunn sei
Nipp an Nummer Änezwanzich
Schunn dreht sich mir de Maache um
Kotz des ganze Weifeschd voll
Des is jo jetz echt zu dumm
Un so langsam seh ich's ei:
Nooch 20 Schorle geht nix mehr nei
Jetz schäm ich mich wie'd Sau
Bin versifft un stinkich un will nur noch hääm
Un merk mir jetz fer immer, fer immer
Wann ich morge widder loszieh
Halt ich mol de Balle flach
Do trink ich mol kä zwanzich
Neunzeh Schorle reichen ach