Original: Ugly Kid Joe - Neighbor
Pfälzer Text: Christoph Erbach

In Unnerhemm unn Jogginghos
Seit Woche net rasiert
Die Nägl lang unn gelb vum Raach
Die Ärm zutätowiert
Guggschd du mich o, als wär ders schlecht
Unn drehschd dich um unn gehschd
Do fallt dein Blick uff moi Hand
Kannschd drin de Wohnungsschlissel seh

Es is en herrlische Daag in de Nochbarschaft
Ich hoff, dass des kä Umständ macht
Ich bin dein neie Nochbar

Hoschd Du korz Zeit? Ich schdell der vor:
Des is moi Fämily
De Bu hot Fleh, die Mudder sauft,
De Hund is halwer hie
Doch uns gehts gut, mir klaachen net
Sinn all gut uffgelegt
Die Kumpels vum Modorratclub
Sinn alleweil schunn uffem Weg

Es is en herrlische Daag in de Nochbarschaft
Is des doi Fraa, die gfällt ma ach
Ich hoff, dass des kä Umständ macht
Ich bin dein neie Nochbar

Kumm her, ich hätt so gern
Dass mir die beschde Freunde wärn
Ich hol aa glei doi Dochder ab
Wonn ich moin Labbe wieder hab

Es is en herrlische Daag in de Nochbarschaft
Ich bin jetzt dein neie Nochbar

Ich trink
Ich stink
Ich raach
De ganze Daach
Moi Zehenägl schneid ich am liebschde
am Couchdisch - A-Ha
Die Schnipsel tupper ich oi,
ich hab schunn 500 gramm - A-Ha

Jo, ich kann Gedanke lese
Du machschd der Sorge, unn zwar beese
Du guggschd mich o, fangschd o zu plärre:
„So wie Du will ich niemols werre!“

Ich hoff‘, dass ich kä Umständ mach‘

Es is en herrlische Daag in de Nochbarschaft
Ich denk mol, bei uns beide laafts
Is en herrlische Daag in de Nochbarschaft

Wir benutzen Cookies

Wir nutzen Cookies auf unserer Website. Einige von ihnen sind essenziell für den Betrieb der Seite, während andere uns helfen, diese Website und die Nutzererfahrung zu verbessern (Tracking Cookies). Sie können selbst entscheiden, ob Sie die Cookies zulassen möchten. Bitte beachten Sie, dass bei einer Ablehnung womöglich nicht mehr alle Funktionalitäten der Seite zur Verfügung stehen.