Original: The White Stripes - Seven Nation Army
Pfälzer Text: Christoph Erbach

Isch hab heid nacht gedrämt
Vun siwwe pund Salami uffem Silwertablett
Un als Verzierung drum
Hunnertfuffzisch schdigger Schingeröllscher mit Mett
En Ring aus Grieweworscht hatt ich als Kron, wie moin Arm so dick
Un statt em Gschmeide lag e Werschdlkett mir um moim Gnick
Nirschendswo e schdick Salad, net mol e klänes Blatt

Isch dreh moin Kopp e schdick
Die Wänd sinn dabeziert mit Mortadella
Uff brechend volle Disch
Stehn riese Schissle voll mit Fleeschsalat
Das des vun lauder nackte Fraue serviert werd intressiert misch net
Was mich wirklich intressiert, is do hinne de Speck
Im Paradies do wart kä Fraa
Gott macht e Schlachtplatt klar

Ach bitte, liewer Gott,
Schenk mer noch drei, vier Schdunne Schloof
Weck misch jetzt bloos net uff
Des Elend seh ich doch noch frieh genuch
Vum viele Rohkoschdesse hab ich Schneidezäh wie en Haas so lang
Un macht moi Fraa de Kielschrank uff,
Do werd mers Angschd un Bang
Tofu is net, was ich will
Brauch Matrial vum Grill

LIEDTEXTE

Wir benutzen Cookies

Wir nutzen Cookies auf unserer Website. Einige von ihnen sind essenziell für den Betrieb der Seite, während andere uns helfen, diese Website und die Nutzererfahrung zu verbessern (Tracking Cookies). Sie können selbst entscheiden, ob Sie die Cookies zulassen möchten. Bitte beachten Sie, dass bei einer Ablehnung womöglich nicht mehr alle Funktionalitäten der Seite zur Verfügung stehen.