Original: Cameo bzw. Gun - Word Up!
Pfälzer Text: Harry Karsai
Ihr Buwe unn ihr Mädscher, ihr wisst schunn bscheid
Jetzt kummd de dritte Däl
Nur fer eich ihr liewe Leit
Die Ald is widda do un jedi Fraa hod ihr’n Kram
Des kennen ihr doch all schunn
Mir werd’s um’s Herzl so warm
Was ich eich awwer verzähle will - das ihr’s ach seht
Das ihr all net allä seid un mir´s ganz genauso geht
Ich hear jo laufend un iwweral vun jedre Fraa
Dass se in junge Joar jo mol viel dinner war
Nehm ab - oder loss es soi
So e klänes bissl Polschter geht uns Männer doch gut noi
Donn nehm ab - unn beschwer dich net
Ich mecht bloß wisse warum jedi Fraa denkt sie wär fett
Qualität hot soi Gewicht bei uns is alles im Lot
In de Not sinn Dicke dinn un die Dinne die sinn dood
Guck doch uns o - uns geht´s doch werklich gut
Mer sehn doch super aus - oder wie mer´s des nenne duud
Schwingt die Hüfte zur Musik
Des is nie verkehrt
Un hear´n doch uff zu jammern, henn mir uns jemols beschwert?
Nemmt am Zeh ab, am kläne Zeh, des wear mol ä Sach
Bleibt doch uff’m Debbisch - kumm, steig ma net uff´s Dach
Nehm’ ab! Was guckscht donn so bees
Ich hab Dich doch nix g’heese, a was babbelscht donn fer’n Kees
Was gugschd misch so a ?
Des passt schunn so!
Nehm - doch - am - Zeh - ab!
Qualität hot soi Gewicht bei uns is alles im Lot
In de Not sinn Dicke dinn unn die Dinne die sinn dood
Guck doch uns o - uns geht’s doch werklich gut
Mer seh’n doch super aus - oder wie mer´s nenne duud
Ich hear jo laufend un iwweral vun jedre Fraa
Dass se jo in junge Joar so viel dinner war
Nehm ab - oder loss es soi
So e klänes bissl Polschter geht uns Männer doch gut noi
Donn nehm ab - unn beschwer dich net
Ich mecht bloß wisse warum jedi Fraa denkt sie wär fett
Nehm ab - oder loss es soi
So e klänes bissl Polschter geht uns Männer doch gut noi
Donn nehm ab - unn beschwer dich net
Ich mecht bloß wisse warum jedi Fraa denkt sie wär fett