Musik: Fine R.I.P.
Pfälzer Text: Andreas Felden
Mir warn mol widder spiele
wie meischdn's in de Palz
Beim Gig in Gimmeldinge
hatten mir ken trukne Hals
Un´s beschde an dem Owend
mir spielte net fer Geld
Des war de Kerscheplotzer
de beschde vun de Weld
Des iss de Kerscheplotzer-Blues
weil man den gesse hawwe muß
Mir hawwen a recht lang gspielt
die Leit warn sau gut druff
Die Pälzer Platt war klasse
e gudi Grundlag fer de Suff
Am End war noch ebbes iwwer
Doch glawe konnt isch's net
Do war noch Kerscheplotzer
uffm Biffee newerm Werschdlbrett
Des is de Kerscheplotzer-Blues
weil man den gesse hawwe muß