Original: Electric Light Orchestra - Don't Bring Me Down
Pfälzer Text: Jan Hoffmann

Letschd vorm Schbiegel dacht isch seh do nedd resch
Was mer do grad in die Aache noi schteschd,
Des war keen Traum, ne ne ne ne ne - uhuhu,
Isch hab schun gedenkt jetzt legts misch voll uff die fress
Isch wer schunn grau!

Des grau Bartgestoppels, wasn Altraum
mit scharfe Klinge unn es bissl Schaum
rasier ichs raus, ja ja ja ja ja - uhuhu,
Dann wees dess nur isch, unn kenn annre wu denkt
Der werd schunn grau

Isch wer schunn grau, horsch
Isch wer schunn grau, horsch
Isch wer schunn grau, horsch
Isch wer schunn grau!

Doch een Daach schbeder, isch armer Dropp
do seh isch sowas dann uff moim Kopp
So en Alptraum, nä nä nä nä nä - uhuhu,
Erschd am Bart unn jetz uffm Kopp
Isch wer schunn grau

Du werschd bald grau, des machd halt die Zeit,
mir iss’s egal, doch was saachen die Leid,
Der werd schunn grau, ne ne ne ne ne - uhuhu,
Gezackert iss schunn de halwe Acker fun dem
Der wird schunn grau

Der is schunn grau, horsch
Der is schunn grau, horsch
Der is schunn grau, horsch
Der is schunn grau!

Eigendlisch seh isch doch ganz gut aus
do machen graue Hoar aach nix aus
des sieht gut aus, ja ja ja ja ja ja ja ja ja - uhuhu,
So en Kerle wie mir macht die bleed Hoarfarb nix aus
unn isses grau.

Du laafschd die Gass nunner, am Mädel vorbei,
Die guckt Disch oh und läscheld debai
Du bischd zwar grau, ja ja ja ja ja! - uhuhu,
Doch en Kerl wie Du gehd alle Mädels gud noi
und bischd ach grau, grau, grau, grau, grau

So en Kerle wie mir macht die bleed Hoarfarb nix aus
unn isses grau.

LIEDTEXTE

 

Wir benutzen Cookies

Wir nutzen Cookies auf unserer Website. Einige von ihnen sind essenziell für den Betrieb der Seite, während andere uns helfen, diese Website und die Nutzererfahrung zu verbessern (Tracking Cookies). Sie können selbst entscheiden, ob Sie die Cookies zulassen möchten. Bitte beachten Sie, dass bei einer Ablehnung womöglich nicht mehr alle Funktionalitäten der Seite zur Verfügung stehen.