Original: Gary Moore - Over The Hills And Far Away
Pfälzer Text: Jan Hoffmann

Vor viele Johr am Wannerdag,
vun Neustad in de Palz,
wollt mer dorsch de Pläzerwald
paar Stunne uff die Walz

Am Bahhof hämmers Auto g’parkt,
unn ab de Berg do nuff
vorbei dann noch am Nollesattel
als de Berg do ruff
Des war so steil, ihr liewe Leit
was hämmer do gekämpft
der Berg der hert faschd niemols uff
die Stimmung war dann glei gedämpfd -
weil...

Hinner Neustad die Hohe Loog,
wenn´d drowwe steschd, dann bischd so froh
doch wann du erschd do owwe bischd
de uffschdieg niemols mehr vergischd

Mir quälten uns dann dorsch de Wald,
Vorbei an so re Hit
Mir wollten jo do uff de Berg
Voran mit große Schritt
Do owwe krieschd dein Schorle jo
unn en Weck mit Worschd
des macht disch dann ach wieder froh
unn fort iss dann der große dorschd -
weil...

Hinner Neustad die Hohe Loog,
wenn´d drowwe steschd, dann bischd so froh
gugschd zufirede nei ins Tal
Vergesse is die Uffschdiegsqual
Hinner Neustad die Hohe Loog

Hinner Neustad
Hinner Neustad
Hinner Neustad die Hohe Loog,

Doch als man dann do drowwe warn,
ganz mied unn abgeschafft
Do hat die Pälzerwaldhütt dann
tatsächlich zu gehabt! (so’n Scheiß)

Hinner Neustad die Hohe Loog,
wenn´d drowwe steschd, dann bischd so froh
Doch Dunnerschdags des sach isch Dir
steschd do vor verschlossner Dier

Hinner Neustad die Hohe Loog,
wenn´d drowwe steschd, dann bischd so froh
Doch Dienschdags glab mas des sach isch Dir
steschd do vor verschlossner Dier

Hinner Neustad die Hohe Loog,
wenn´d drowwe steschd, dann bischd so froh
Doch Mondags glab mas des sach isch Dir
steschd do vor verschlossner Dier

Hinner Neustad
Hinner Neustad die Hohe Loog,

Hinner Neustad
Hinner Neustad die Hohe Loog

LIEDTEXTE

 

Wir benutzen Cookies

Wir nutzen Cookies auf unserer Website. Einige von ihnen sind essenziell für den Betrieb der Seite, während andere uns helfen, diese Website und die Nutzererfahrung zu verbessern (Tracking Cookies). Sie können selbst entscheiden, ob Sie die Cookies zulassen möchten. Bitte beachten Sie, dass bei einer Ablehnung womöglich nicht mehr alle Funktionalitäten der Seite zur Verfügung stehen.