Original: Manowar - Swords In The Wind
Pfälzer Text: Jan Hoffmann

Aus de Palz kumm ich her,
ja do bin ich dehääm
Unn zieh ich ach dursch die Welt,
erzähl ich wuvun ich trääm
Vun Quwedschekuche mit Grummbeersupp,
vun Wingerte voll mit Woi
Vun Keschde unn vum
Fedderweisse, vum Pälzerwald unn vum Rhoi
De Löwe, s´ Raad unn des Kreiz,
doo uff unsrer Fahn
Die Burge unn die Schlösser,
de Wind in jedem Baam

Fer mich isses do am scheenschde,
dess is e klarie Sach
Des wees ich immer uffs neie,
am Moije vun jedem Daach
Steh ich uff, guck dann naus,
zum Fenschder werd mers klar
moi Heimat, de schenschde Ort
uff de Welt, des is so wunnerbar

Doo bin ich dehääm, vun do,
doo kumm ich her
die Palz unn ihr Kind,
des is, was ich eich lehr
Ich erzähl vun em Land,
wu ich gebore bin
Verworzelt tief in moim Herz,
ganz feschd in mir drin

Horsch uffs redde vun de Leit unn
schunn weschd aach du Bescheid
So wie die redden, so wie des
klingt, des gebts nur bei unsere Leit
Steh ich uff, guck dann naus, zum
Fenschder werd mers klar
moi Heimat, de schenschde Ort uff
de Welt, des is so wunnerbar

Unn wann die Zeit dann fer mich
kummt, bass uff, des sag ich dir,
Is moin Weg vun de Palz bis an die Himmelsdier,
Fliegt moi Seel nuff iwwer Wolke,
in de Himmel noi
Unn kummt uff die Palz zurick,
mit jedem Sunneschoi

LIEDTEXTE

 

Wir benutzen Cookies

Wir nutzen Cookies auf unserer Website. Einige von ihnen sind essenziell für den Betrieb der Seite, während andere uns helfen, diese Website und die Nutzererfahrung zu verbessern (Tracking Cookies). Sie können selbst entscheiden, ob Sie die Cookies zulassen möchten. Bitte beachten Sie, dass bei einer Ablehnung womöglich nicht mehr alle Funktionalitäten der Seite zur Verfügung stehen.