Original: Tina Turner - The Best
Pfälzer Text: Alex Franken & Christoph Erbach
Es werd schunn widder hell
Unn ich drink jetzt ganz schnell
Ich schwank durch die Gass,
In de Hand s´ Dubbeglas
Uuh, ich will doch nur noch Häm
Unn moin Kopp fahrt Karussell
Wegem Stress mit mein´rer Fraa
War ich do hinne in de Bar
Dehäm gabs Ärger, beeses Blut
Nur beim Woi laafts heit noch gut
Uuh, doch jetz schlaacht´s um
S´wird wohl Zeit, dass ich häämkumm
De ledschde Schorle war schlecht
Schlechter als de ganze Reschd
Schlechter als die 20 defor
Ich glaab, des war e Eigedoor
Unn ich konder mit Bier
Besser, ich bestell glei mol Vier
Unn dann noch e Schnäpsl mit druff
Uuh, jetzt hab ich werklich de Suff!
Ich ligg uffemm Sofa, her doi Schdimm schrecklisch laut
Redschd als an mich droo, was mir de Kader versaut
Uuh, dann legschd Du erschd rischdisch los
Jetzt nix wie raus uff die Schdrooß
Dann kumm ich häm unn Du gugschd mich bees oo
Ach Schatz, sag ich, mir zwee probierens noch mol
Hab ach was mitgebrocht, was Dir beschdimmt g´fallt
Zwee Flasche Riesling, die werr´n heit net alt!