Kalde Fies

Original: Billy Talent - Fallen Leaves
Pfälzer Text: Christoph Erbach

Uff de ganze, weide Welt
Gebts ken Mann dem des gefällt
Kalde Fies, kalde Fies, kalde Fies hot moi Fraa

Ach, bin ich mied
Muss in die Fall
Moi liewe Fraa
Schnarcht a schunn ball
Ich heb die Bettdeck
Unn free mich wie e Kind

Schlupp zu rer noi
Unn adem dief
Unn plötzlich schbür
Ich ach ihr Fies
Du liewwes bissl
Die werd ned gschdorwe soi?

Uff de ganze, weide Welt
Gebts ken Mann dem des gefällt
Kalde Fies, kalde Fies, kalde Fies hot moi Fraa
Reiss mich zamme, will ken Krach
Wechsel eher s Schloofgemach
Kalde Fies, kalde Fies, kalde Fies hot moi Fraa

En Scheidungsgrund
Is des zwar ned
Awwer es führt
Zu Stress im Bett
Loss Du doi Haxe
Bidde uff doinrer Seit

Uff de ganze, weide Welt
Gebts kenn Mann dem des gefällt
Kalde Fies, kalde Fies, kalde Fies hot moi Fraa
Reiss mich zamme, will ken Krach
Wechsel eher s Schloofgemach
Kalde Fies, kalde Fies, kalde Fies hot moi Fraa

Heeße Fußbäder
Hefen ken Meder
Unn ach Wärmflasche
Kennen do nix mache
Warme Gedanke
Hab ich schun lang nimmi

Hab isch jetz aaaaaaa

Inhaltssuche










Wir verwenden Cookies. Damit wollen wir unsere Webseiten nutzerfreundlicher gestalten und fortlaufend verbessern. Wenn Sie die Webseiten weiter nutzen, stimmen Sie dadurch der Verwendung von Cookies zu. Weitere Informationen erhalten Sie in unseren Cookie-Hinweisen unter Datenschutz.