500 Meile

Original: The Proclaimers - I'm Gonna Be (500 Miles)
Pfälzer Text: Christoph Erbach

Wann isch uffwach
Dann wees ich als net genau
Wie ich do geschdern in des bett neikumme bin
Wenn isch misch rumdreh
Dann kummt ma manches widder hoch un manches kummt mer dodurch widder in de sinn
Wenn ich uffschdeh
Wenn ich uffzusteh versuch
Find ich mich allermeischdens widder uff de knie
Wenn isch  uffgebb
Dann legg ich mich widder um
Der dag denooch der is routinemäsisch hie

Doch isch würd 500 Meile geh
Um mit de Buwe uff de Bühn zu steh
Unn wonns sei misst noch 500 mehr
Ohne Palzrock lebts sich viel zu schwer

Wann isch nochdenk
Wie des frieher emol war
Am wocheend alläh dehäm vor moim TV
Wann isch drodenk
Wieviel stunne isch verdaa hab
Mit de Lindeschdroos un mit Bauer sucht Frau
Wann ich mer vorstell
Wie des weidergange wär
Do wär moi Couch en scheene Daag a mol moi Grab
Awwer sooo sterb ich bestimmt mol uff de Bühn
E neunzeh-Zoll-Case werd dann sicherlich moin Sarg

Doch isch würd 500 Meile geh
Um mit de Buwe uff de Bühn zu steh
Unn wonns sei misst noch 500 mehr
Ohne Palzrock is moi Lewe leer

Wann isch abtret
Schweb isch in de Himmel nuff
Zum Herrgottshaus direkt iwwer de scheene Palz
Was isch do seh
Was isch hoffentlisch donn seh
Is Rock n Roll-Equipment unn zwar bis zum Hals
Unn dann schbiel isch
Bis die Wolge zammeziehn un dicke Drobbe uff die Palz dann nunner gehn
Un ihr do unne guckt dann in de Himmel nuff un seht de Löwe iwwer allem driwwer schdehn

Doch isch würd 500 Meile geh
Um mit de Buwe uff de Bühn zu steh
Unn wonns sei misst noch 500 mehr
Ohne Palzrock lebts sich viel zu schwer

LIEDTEXTE

Inhaltssuche