Bleib doch noch do

Original: The Clash - Should I Stay Or Should I Go
Pfälzer Text: Christoph Erbach

Ach Schätzl, sach mol bitte o
Willschd du schun geh, bleib doch noch do
Ich seh, zum tringe hoschd du nix
Ich hol dern Schorle, geht ganz fix
Ich bitt dich, guck mich net so o
Willschd Du schunn geh, bleib doch noch do

Ach wie ich schwitz, schwitz, schwitz
Der Lade halt vun Lüftung nix
Vun guter Kleedung halt ich viel
Moi Hemm is aus Polyacryl
Ich hab des seit 3 Woche o
Willschd Du schunn geh, bleib doch noch do

Willschd Du schunn geh? Bleib doch noch do her!
Willschd Du schunn geh? Bleib doch noch do her
Denk doch mol dro was dir entgeht
Wann du dich jetz vun mir wegdreschd
Ich mäns nur gut, guck mich doch o

Isch glaab als des hot gar kenn´ Wert
(Nee-nee, des hot bestimmt kenn´ Wert)
Wann ich mit moinre Scheeheit werb
(Hab ich do ewe "Scheeheit" ghärt?)
Ich glaab jetzt kummt die Zeit zu danze
(Oh, bitte bitte net!)
Schitt´l die Ärm, schitt´l de Ranze
(Weg, ich muss schnell do weg!)
Mit offnem Mund guggschd Du misch o
Willschd Du schunn geh? Bleib doch noch do!

Willschd Du schunn geh? Bleib doch noch do her!
Willschd Du schunn geh? Bleib doch noch do her
Denk doch mol dro was dir entgeht
Wann du dich jetz vun mir wegdreschd
Ich mäns nur gut, guck mich doch o
Willschd du schunn geh? Bleib doch noch do!
Willschd Du schunn geh? Bleib doch noch do her!
Denk doch mol dro was dir entgeht
Wann du dich jetz vun mir wegdreschd
Ich mäns nur gut, guck mich doch o

LIEDTEXTE

Inhaltssuche