Jump in de Weier

Original: Metallica - Jump In The Fire
Pfälzer Text: Jan Hoffmann

Mensch is des e Affehitze
du ma schnell zum Weier flitze
besser in den Weier springe
als mit dere Hitz zu ringe
mit de Sunnebrill uff meiner Naas
du isch flitze wie’n gestochne Haas
mit meim Schlauchboot uffm Rad
mach isch alle Wasserscheue platt

So komm on
Jump in de Weier

Ab gehts in des geile Nass
uffm Kumpel seiner Luftmatratz
doch ruck zuck is die Luft dann draus
wie kum isch aus dem Wasser raus
mei rettung, ‘s Medel mit ‘m Paddelboot
isch stell mich als wär isch fascht dod
doch was isch dann kaum glawe kann
des iss kä Medel sundern en Mann!

So komm on
Jump in de Weier

Kaum am Ufer agelangt
hab isch ‘n beese Sunnebrand
hät isch mich besser eigäeelt
wär isch jetz lang net so gequeelt
do hilft keen schatte vun de Beem
druff uff’s Rad un ab glei Häm
dann seh isch e Medel im Summerkleid
un wes, moije ‘isses widda so weit

So komm on
Jump in de Weier

LIEDTEXTE

Inhaltssuche