Jedi Fraa hodd ihrn Kram

Original: Poison - Every Rose Has Its Thorn
Pfälzer Text: Jan Hoffmann

Jetz sitz isch do bei uns am Kischedisch.
Mei Fraa hodd misch zamme-gschisse - un jetz frog isch misch
Habe ich ebbes gesacht oder ebbes gemacht? Ehwe laaft doch was verkehrt!
Un isch such nooch ehnre Erklärung - doch dess hot jetz gar kenn wert - weil

Jedi Fraa hodd ihrn Kram,
Un jeder Bsoffne hot e Fahn
Manschmol bischd mid deine Gedange uffre ganz falsche Bahn
Jedi Fraa hodd ihrn Kram

Wie kumm isch jetz aus dere Situation
Frog isch mei Kumpels ernt isch eh nur Spott un Hohn
Egal wie isch’s jetz ahgeh, immer dreh isch misch im Kreis
So iss ewe es Lewe - manschmol schteschd halt biss zum Hals im (Scheiss) -weil

Jedi Fraa hodd ihrn Kram,
Un jeder Bsoffne...

Manschmol kennt isch se bumbe,
awwer sie kann jo ach nix defier
Meinre Fraa geht’s halt nedd annerschd
sie hot jo ach ihrn Schaff - Ihrn Schaff mit mir

Do degege gibt’s nur ens, hodd mein Babe schunn gsaad
Reischd disch zamme un denkschd an´en scheenre daag
Durschgeschnauft hoscht de klei, dann zälschd ach nochemoh glei bis drei
Bleibschd locker - bischd nedd dumm
In 3, 4 Daag do iss doch alles rumm - weil

Jedi Fraa hodd ihrn Kram,
Un jeder Bsoffne...

LIEDTEXTE

Inhaltssuche