Isch hadd Brieh

Original: The Beatles - Let It Be
Pfälzer Text: Jan Hoffmann

Sonndag moje - isch wach uff, doch irgendwas laafd do verkehrt
so e Holzdeck hadd isch doch noch nie
de Kopp der driggd vum suff vun geschdern unn mein Atem stehd im Raum
der rieschd so rischdisch Scheiße - wie vunem Vieh

Denn isch hadd Brieh,
isch hadd Brieh,
isch hadd Brieh - soviel wie nie
mann war des en Owwend
hadd isch Brieh

Schwach erinner isch misch, dass isch Mussig gemacht hab fer eich,
in meine Ohre summts noch - die sinn hie
Schoppe hab isch ach gepetz und midde Mädels noch gelacht,
unn zu eenre bin isch - ach noch hie

Denn isch hadd Brieh,
isch hadd Brieh,
isch hadd Brieh - soviel wie nie
mann war des en Owwend
hadd isch Brieh

Doch irgendwann, bei Schoppe 20 verlosst misch die Erinnerung,
isch glaab des war de Zeitpunkt mit zuviel Brieh
Awwer eens des wees isch ganz genau, ihr ward werklich supper druff
Zu euch do muss isch wiedder - e mol hie

Was hadd isch Brieh,
isch hadd Brieh,
isch hadd Brieh - soviel wie nie
mann war des en Owwend
hadd isch Brieh

Denn isch hadd Brieh,
isch hadd Brieh,
isch hadd Brieh - soviel wie nie
mann war des en Owwend
hadd isch Brieh

LIEDTEXTE

Inhaltssuche