Isch fress drei Keks

Original: Motörhead - Ace Of Spades
Pfälzer Text: Bernd Schwab

Endlich widda Winder
Endlich widda kalt
Des fräät mich besunnerschd
Weil de Woinachtsmarkt is bald
Isch stell mich an de Stond
mit´re Waffel in die Hond
Isch brauch jetzt viel Schoklat
Des Sießzeisch fin isch stark
Isch fress drei Keks
Isch fress drei Keks

De Gliehwoi is am Koche
Noch bis ins neie Johr
Unn dass des nedd gsund wär
Des is beschdimmt nedd wohr
Lebkuche, Keks un Kärsch-Punsch,
Gliehwoi schmeckt sowieso
Sießzeisch macht mich froh
Ehr Leit des is halt so
Isch fress drei Keks
Isch fress drei Keks

Isch hab Hunger wie en Stier
Un Dorscht a noch druff fer Vier
So stell ich mir de Himmel vor
Isch will jetzt uff de Stell was esse:
Dompfnudle mit Vanillsooß

Driwwer un donn wende
Wer will donn schunn häm geh
Heiz de Grill
Sin’d die Käschde durch?
Des sieht mer doch glei
Dir fehlt noch de Gliehwoi
Es Lewe is perfekt
Wonn Gliehwoi un's Sießzeisch schmeckt
Isch fress drei Keks
Isch fress drei Keks

LIEDTEXTE

Inhaltssuche