Doktor Oetker

Original: Robert Palmer - Bad Case of Loving You (Doctor, Doctor)
Pfälzer Text: Sebastian Deuber

Es is Sundaach frieh mir gehts sau gut
Weil heit owwend mei Schätzl kumme dut
Un änns, ich wäß, macht se glicklich
Drum stell ich mich halt a mol in die Kich

Unn isch sag:
Doktor Oetker, du bringschd mich in Stress
Mol im Ernschd wie gehtn des?
Vun dem was hinne uff de Packung steht
Do wäß ich noch lang net wies geht

E schäni Scherz, die macht aus mir kän Koch
Ich denk was solls un probiers halt ewwe doch
Denkschd ich bin schlau, en ganz schä helle Bu
Des glaabschd jo werklich ach nur Du

Unn isch sag:
Doktor Oetker, du bringschd mich in Stress
Mol im Ernschd wie gehtn des?
Vun dem was hinne uff de Packung steht
Do wäß ich noch lang net wies geht

Mei Kich sieht jetzt aus, wie explodiert
Wie is dann des, jetzt widda bassiert?

En Budding wär leicht, kennt jedes Kind
Do siehschd mol wie schlau die Kinner heit sinn
Bei mir degeege klappt das net
Unn krieg mei Meedche ach net ins Bett

LIEDTEXTE

Inhaltssuche